Бишкек жылуулук борборундагы өндүрүштүк кырсыктын айынан шаардыктар 26-январдан тарта бүгүнкү күнгө чейин жылуулуктан өксүп келе жатышат. Өзгөчө суук күндөрү орун алган бул окуя бүгүн парламентте талкууланып, анын себептери боюнча өкмөт коомчулукка так жооп бере алган жок. "Ыңгайсыз суроолор” телепрограммасы ушул маселени талкуулады. Студиянын бүгүнкү коноктору - “Электр станциялар” ишканасынын жетектөөчү адиси Каныбек Оморов жана Энергетика боюнча эл аралык эксперт Жаныбек Оморов болушту.